الاثنين، 15 يوليو 2013

أجمل حاجة في الدنيا

أجمل حاجة في الدنيا  واصعب حاجة في نفس ذات الوقت إنك تكون مستقل :
تلاقي الفلول وحزب الكنبة  بيتهمك أنك "هتخربوا البلد والاستقرار ...وتكملة النشيد"
وتلاقي النيو ديموقراطيين بيتهمك إنك إخوااااااااااااااان ومتطرف وتستحق الضرب بالرصاص الحي وعندك جرب , وبتظبط "نكاح متعة ".
وتلاقي الإخوان بيتهموك إنك"بلاك بلوك و أناركيين " وشباب متحمس مش فاهم حاجة
وتلاقي السلفيين بيقولوا عليك شاذ  عن الجماعة ولا تسمع كلام المشايخ
كل واحد من دول عاوز يصبك في قالب جاهز هو صنعه أو شربة ممن يصنعه له في #إعلام_المخابرات و #أحزاب_المخابرات
وتلاقي معظم الناس اللي بتشغل مخها من كل دول حتي ولو لم يملك جرأة الإعلان عن ذلك  بينه وبين نفسه بيحترمك وشايل ليك موقف او موقفين ساندته فيهم في حقه لما كان كل العالم ضده

#المباديء_لا_تتجزأ و #الحرية_قيمة_الحياة و #العدل_أساس_الملك

ليست هناك تعليقات: